This text comes from The Scottish Minstrel (First Series), a historical songbook transcribed on Wikisource and reproduced from the pinned revision linked below.
Wha's at the window, wha, wha?
O wha's at the window, wha, wha?
Wha but blithe Jamie Glen,
He's come sax miles and ten,
To tak bonnie Jeanie awa, awa,
To tak bonnie Jeanie awa.
Bridal maidens are braw, braw,
O bridal maidens are braw, braw;
But the bride's modest e'e,
And warm cheek are to me,
'Boon pearlens and brooches, an' a', an' a',
'Boon pearlens and brooches, an' a'.
There's mirth on the green, in the ha', the ha',
There's mirth on the green, in the ha', the ha',
There's laughing, there's quaffing,
There's jesting, there's daffing,
But the bride's father's blithest of a', of a',
But the bride's father's blithest of a',
It's no that she's Jamie's ava, ava,
It's no that she's Jamie's ava, ava,
That my hoart is sae weary,
When a' the lave's cheerie,
But it's just that she'll aye be awa, awa,
But it's just that she'll aye be awa.