This text comes from The Scottish Minstrel (First Series), a historical songbook transcribed on Wikisource and reproduced from the pinned revision linked below.
'Twas on a simmor's afternoon,
A wee before the sun gaed down,
My lassie wi' a braw new gown,
Cam' o'er the hills to Gowrie.
The rose-bud, ting'd wi' morning shower,
Bloom'd fresh within the sunny bower,
But Katie was the fairest flower,
That ever bloomed in Gowrie.
I had nae thought to do her wrang,
But round her waist my arms I flang,
And said, "my lassie will ye gang
To view the Carse o' Gowrie?
I'll tak you to my father's ha',
In yon green field beside the shaw,
And mak' you lady o' them a',
The brawest wife in Gowrie."
Saft kisses on her lips I laid,
The blush upon her cheek soon spread;
She whispered modestly and said,
"I'll gang wi' you to Gowrie."
The auld folk soon gied their consent,
And to Mess John we quickly went,
Wha tied us to our heart's content,
And now she's lady Gowrie.