Dumbarton's bonnie Dell

There's ne'er a nook in a' the land

Victoria rules sae well,

There's naething half sae canty, grand,

As blythe Dumbarton's dell;

And would you speer the reason why,

The truth I'll fairly tell,

A winsome lassie lives hard by

Dumbarton's bonnie dell.

Up by yon glen, Loch Lomond laves,

Where bold M'Gregors dwell;

And bogies dance o'er heroes' graves,

There lives Dumbarton's belle;

She's blest with ev'ry charm in life,

And this I know full well—

I'll ne'er be happy till my wife

Is blythe Dumbarton's belle.