This text comes from The Scottish Minstrel (Second Series), a historical songbook transcribed on Wikisource and reproduced from the pinned revision linked below.
There grows a bonnie brier bush in our kailyard,
And white are the blossoms o't in our kailyard;
Like wee bit white cockauds for our loyal Hieland lads;
And the lasses lo'e the bonnie bush in our kailyard.
But were they a' true that were far away?
Oh! were they a' true that were far awa?
They drew up wi' glaikit Englishers at Carlisle ha',
And forgot auld frien's when far awa.
Ye'll come nae mair, Jamie, where aft you've been:
Ye'll come nae mair, Jamie, to Athol's green;
Ye lo'ed owre weel the dancin' at Carlisle ha',
And forgot the Hieland hills that were far awa.
He's comin' frae the north that's to fancy me—
He's comin' frae the north that's to fancy me;
A feather in his bonnet, and a ribbon at his knee;
He's a bonnie Hieland laddie, and you be na he.