This text comes from The Scottish Minstrel (Second Series), a historical songbook transcribed on Wikisource and reproduced from the pinned revision linked below.
Oh! dinna ask me gin I lo'e thee,
Troth I daurna tell;
Dinna ask me gin I lo'e ye,
Ask it o' yoursel'.
Oh! dinna look sae sair at me,
For weel ye ken me true;
Oh! gin you look sae sair at me,
I daurna look at you.
When ye gang to yon braw, braw town,
And bonnier lasses see,
O, Jamie! dinna look at them,
Lest ye should mind na me:
For I could never bide the lass,
That ye'd lo'e mair than me;
And O, I'm sure, my heart would break,
Gin ye'd prove fause to me.