This text comes from The Poetical Works of Robert Burns, a historical songbook transcribed on Wikisource and reproduced from the pinned revision linked below.
As I came in by our gate end,
As day was waxin' weary,
O wha came tripping down the street,
But bonie Peg, my dearie!
Her air sae sweet, and shape complete,
Wi' nae proportion wanting,
The Queen of Love did never move
Wi' motion mair enchanting.
Wi' linked hands, we took the sands
A-down yon winding river;
And, oh! that hour and broomy bower,
Can I forget it ever?