This text comes from The Book of Scottish Song, edited by Alexander Whitelaw, a historical songbook transcribed on Wikisource and reproduced from the pinned revision linked below.
"Hey now the day dawis,
The jollie cok crauis,
Now shrouds the shauis
Throw nature anone;
The thissel-cok cryis
On lovers wha lyis,
Now skaillis the skyis,
The night is near gone."
"Hey, tuttie taitie!
Hey, drucken Patie!
The gruns o' the ale barrel
Are no for me."
Scots, wha ha'e wi' Wallace bled!
Scots, wham Bruce has aften led!
Welcome to your gory bed,
Or to victorie!
Now's the day, and now's the hour:
See the front of battle lour:
See approach proud Edward's power-
Chains and slaverie!
Wha will be a traitor knave?
Wha will fill a coward's grave?
Wha sae base as be a slave?
Let him turn and flee!
Wha, for Scotland's king and law,
Freedom's sword will strongly draw,
Freeman stand, or freeman fa',
Let him follow me!
By oppression's woes and pains,
By your sons in servile chains.
We will drain our dearest veins,
But they shall be free.
Lay the proud usurpers low!
Tyrants fall in every foe!
Liberty's in every blow!
Let us do or die!