This text comes from The Book of Scottish Song, edited by Alexander Whitelaw, a historical songbook transcribed on Wikisource and reproduced from the pinned revision linked below.
'Being pursued by a dragoon,
Within my bed he was laid down,
And weel I wat he was worth his room,
My douce, my dainty Davie!'"
Now rosy May comes in wi' flowers,
To deck her gay green birken bowers,
And now come in my happy hours,
To wander wi' my Davie.
Meet me on the warlock knowe,
Dainty Davie, dainty Davie;
There I'll spend the day wi' you,
My ain dear dainty Davie.
The crystal waters round us fa',
The merry birds are lovers a',
The scented breezes round us blaw,
A-wandering wi' my Davie.
When purple morning starts the hare,
To steal upon her early fare,
Then through the dews I will repair,
To meet my faithfu' Davie.
When day, expiring in the west,
The curtain draws o' Nature's rest,
I'll flee to his arms I lo'e best,
And that's my dainty Davie.