This text comes from The Scottish Minstrel (First Series), a historical songbook transcribed on Wikisource and reproduced from the pinned revision linked below.
Gin a body meet a body comin' thro the rye,
Gin a body kiss a body, need a body cry?
Every lassie has her laddie;
Nane, they say, hae I:
Yet a' the lads they smile at me,
When comin' thro' the rye.
Among the train there is a swain,
I dearly lo'e mysel';
But what his name, or whar his hame,
I dinna care to tell.
Gin a body meet a body comin' frae the toun,
Gin a body greet a body, need a body frown?
Every lassie has her laddie;
Nane, they say, hae I:
Yet a' the lads they smile at me,
When comin' thro' the rye.
Amang the train there is a swain
I dearly lo'e mysel';
But what his name, or whar his hame,
I dinna care to tell.