This text comes from The Poetical Works of Robert Burns, a historical songbook transcribed on Wikisource and reproduced from the pinned revision linked below.
Gudeen to you, Kimmer,
And how do ye do?
Hiccup, quo' Kimmer,
The better that I'm fou.
We're a' noddin, nid nid noddin,
We're a' noddin at our house at hame.
Kate sits i' the neuk,
Suppin hen broo;
Deil tak Kate
An' she be na noddin too!
We're a' noddin, &c.
How's a' wi' you, Kimmer,
And how do ye fare?
A pint o' the best o't,
And twa pints mair.
We're a' noddin, &c.
How's a' wi' you, Kimmer,
And how do ye thrive;
How mony bairns hae ye?
Quo' Kimmer, I hae five.
We're a noddin, &c.
Are they a' Johny's?
Eh! atweel no:
Twa o' them were gotten
When Johny was awa.
We're a' noddin, &c.
Cats like milk,
And dogs like broo;
Lads like lasses weel,
And lasses lads too.
We're a noddin, &c.