This text comes from The Poetical Works of Robert Burns, a historical songbook transcribed on Wikisource and reproduced from the pinned revision linked below.
Altho' my back be at the wa',
And tho' he be the fautor;
Altho' my back be at the wa',
Yet, here's his health in water!
O! wae gae by his wanton sides,
Sae brawlie he could flatter;
Till for his sake I'm slighted sair,
And dree the kintra clatter.
But tho' my back be at the wa',
And tho' he be the fautor;
But tho' my back be at the wa',
Yet, here's his health in water!