This text comes from The Poetical Works of Robert Burns, a historical songbook transcribed on Wikisource and reproduced from the pinned revision linked below.
I'll ay ca' in by yon town,
And by yon garden green again;
I'll ay ca' in by yon town,
And see my bonie Jean again.
There's nane sall ken, there's nane sall guess,
What brings me back the gate again,
But she, my fairest faithfu' lass,
And stownlins we sall meet again.
She'll wander by the aiken tree
When trystin-time draws near again;
And when her lovely form I see,
O haith, she's doubly dear again!