This text comes from The Book of Scottish Song, edited by Alexander Whitelaw, a historical songbook transcribed on Wikisource and reproduced from the pinned revision linked below.
"I'll gang nae mair to yon toun,
O, never a' my life again;
I'll ne'er gae back to yon toun,
To seek anither wife again."
I'll aye ca' in by yon toun,
And by yon garden green again;
I'll aye ca' in by yon toun,
And see my bonnie Jean again.
There's nane shall ken, there's nane shall guess,
What brings me back the gate again,
But she, my fairest faithfu' lass;
And stowlins we shall meet again.
She'll wander by the aiken tree,
When trystin time draws near again;
And when her lovely form I see,
O haith, she's doubly dear again.
I'll aye ca' in by yon toun,
And by yon garden green again;
I'll aye ca' in by yon toun,
And see my bonnie Jean again.