This text comes from The Book of Scottish Song, edited by Alexander Whitelaw, a historical songbook transcribed on Wikisource and reproduced from the pinned revision linked below.
A' the lads o' Thornie-bank,
When they gae to the shore o' Bucky,
They'll step in and tak' a pint
Wi' lady Onlie, honest lucky!
Lady Onlie, honest lucky,
Brews guid ale at shore o' Bucky;
I wish her sale for her guid ale,
The best on a' the shore o' Bucky.
Her house sae bien, her curshe sae clean,
I wat she is a dainty chucky;
And cheerlie blinks the ingle-gleed
Of lady Onlie, honest lucky!
Lady Onlie, &c.