This text comes from The Poetical Works of Robert Burns, a historical songbook transcribed on Wikisource and reproduced from the pinned revision linked below.
She is a winsome wee thing,
She is a handsome wee thing,
She is a bonie wee thing,
This sweet wee wife o' mine.
I never saw a fairer,
I never lo'ed a dearer,
And neist my heart I'll wear her,
For fear my jewel tine.
She is a winsome wee thing,
She is a handsome wee thing,
She is a bonie wee thing,
This sweet wee wife o' mine.
The warld's wrack, we share o't,
The warstle and the care o't;
Wi' her I'll blythely bear it,
And think my lot divine.