This text comes from The Poetical Works of Robert Burns, a historical songbook transcribed on Wikisource and reproduced from the pinned revision linked below.
CHORUS.
O lay thy loof in mine, lass,
In mine, lass, in mine, lass,
And swear in thy white hand, lass,
That thou wilt be my ain.
A slave to love's unbounded sway,
He aft has wrought me meikle wae;
But now he is my deadly fae,
Unless thou be my ain.
O lay thy loof, &c.
There's monie a lass has broke my rest,
That for a blink I hae lo'ed best;
But thou art Queen within my breast,
For ever to remain.
O lay thy loof, &c.