This text comes from The Poetical Works of Robert Burns, a historical songbook transcribed on Wikisource and reproduced from the pinned revision linked below.
O that I had ne'er been married,
I wad never had nae care;
Now I've gotten wife and bairns,
An' they cry crowdie ever mair.
Ance crowdie, twice crowdie,
Three times crowdie in a day;
Gin ye crowdie ony mair,
Ye'll crowdie a' my meal away.
Waefu' want and hunger fley me,
Glowrin by the hallan en';
Sair I fecht them at the door,
But ay I'm eerie they come ben.
Ance crowdie, &c.