This text comes from The Poetical Works of Robert Burns, a historical songbook transcribed on Wikisource and reproduced from the pinned revision linked below.
Cauld is the e'enin' blast
O' Boreas o'er the pool,
And dawin' it is dreary
When birks are bare at Yule.
O bitter blaws the e'enin' blast
When bitter bites the frost,
And in the mirk and dreary drift
The hills and glens are lost.
Ne'er sae murky blew the night
That drifted o'er the hill,
But bonie Peg-a-Ramsey
Gat grist to her mill.