This text comes from The Poetical Works of Robert Burns, a historical songbook transcribed on Wikisource and reproduced from the pinned revision linked below.
CHORUS.
Robin shure in hairst,
I shure wi' him,
Fient a heuk had I,
Yet I stack by him.
I gaed up to Dunse,
To warp a wab o' plaiden,
At his daddie's yett,
Wha met me but Robin.
Was na Robin bauld,
Tho' I was a cotter,
Play'd me sic a trick
And me the eller's dochter?
Robin shure, &c.
Robin promis'd me
A' my winter vittle;
Fient haet he had but three
Goose feathers and a whittle.
Robin shure, &c.