This text comes from The Poetical Works of Robert Burns, a historical songbook transcribed on Wikisource and reproduced from the pinned revision linked below.
There's naethin like the honest nappy!
Whaur'll ye e'er see men sae happy,
Or women sonsie, saft an' sappy,
'Tween morn an' morn,
As them wha like to taste the drappie
In glass or horn.
I've seen me daez't upon a time;
I scarce could wink or see a styme;
Just ae hauf muchkin does me prime,
Ought less is little,
Then back I rattle on the rhyme
As gleg's a whittle!