This text comes from The Scottish Minstrel (First Series), a historical songbook transcribed on Wikisource and reproduced from the pinned revision linked below.
There was a lad was born in Kyle,
But whatna day o' whatna style,
I doubt it's hardly worth the while
To be sae nice wi' Robin.
For Robin was a rovin' boy,
Rantin' rovin', rantin' rovin';
Robin was a rovin' boy,
Rantin' rovin' Robin!
Our monarch's hindmost year but ane,
Was five-and-twenty days begun,
'Twas then a blast o' Janwar' win'
Blew hansel in on Robin.
For Robin was, &c.
The gossip keekit in his loof,
Quo' she, wha lives will see the proof,
This walie boy will be nae coof—
I thiuk we'll ca' him Robin.
For Robin was, &c.
He'll hae misfortunes great and sma',
But aye a heart aboon them a';
He'll be a credit till us a'—
We'll a' be proud o' Robin.
For Robin was, &c.