This text comes from The Poetical Works of Robert Burns, a historical songbook transcribed on Wikisource and reproduced from the pinned revision linked below.
Whan I sleep I dream,
Whan I wauk I'm eerie,
Sleep I canna get,
For thinkin' o' my dearie.
Lanely night comes on,
A' the house are sleeping,
I think on the bonie lad
That has my heart a keeping.
Ay waukin O, waukin ay and wearie,
Sleep I canna get, for thinkin' o' my dearie.
Lanely night comes on,
A' the house are sleeping,
I think on my bonie lad,
An' I bleer my een wi' greetin'!
Ay waukin, &c.