Young Jamie, pride of a' the plain

Young Jamie, pride of a' the plain,

Sae gallant and sae gay a swain;

Thro' a' our lasses he did rove,

And reign'd resistless King of Love:

But now wi' sighs and starting tears,

He strays amang the woods and briers;

Or in the glens and rocky raves

His sad complaining dowie raves:

I wha sae late did range and rove,

And changed with every moon my love,

I little thought the time was near,

Repentance I should buy sae dear;

The slighted maids my torment see,

And laugh at a' the pangs I dree;

While she, my cruel, scornfu' fair,

Forbids me e'er to see her mair!