This text comes from The Scottish Minstrel (First Series), a historical songbook transcribed on Wikisource and reproduced from the pinned revision linked below.
Gloomy winter's now awa,
Saft the westlin' breezes blaw :
'Mang the birks o' Stanley-shaw
The mavis sings fa' eleerie, O.
Sweet the craw-flower's early bell
Deeks Gleniffer's dewy dell,
Blooming like thy bonnie sel',
My young, my artless dearie, O.
Come, my lassie, let us stray,
O'er Glenkilloch's sunny brae,
Blythely spend the gowden day
'Midst joys that never wearie, O.
Towering o'er the Newton woods,
Laverocks fan the snaw-white clouds;
Siller saughs, wi' downie buds,
Adorn the banks sae brierie, O.
Round the sylvan fairy nooks,
Feath'ry braikens fringe the roeks;
Neath the brae the burnie jouks,
And ilka thing is cheerie, O.
Trees may bud, and birds may sing,
Flowers may bloom, and verdure spring,
Joy to me they canna bring,
Unless wi' thee, my dearie, O.