My ain dear Land

O bonnie are the hows,

And sunny are the knowes

That fed the kye and yows,

Where my life's morn dawn'd;

And brightly glanced the rills.

That spring amang the hills,

'And ca' the merrie mills

In my ain dear land.

O bonnie are the hows, &c.

Bat now I canna see

The lammies on the lea,

Nor hear the heather bee

On this far, far, strand;

I see nae father's ha',

Nor burnie's water-fa',

But wander far awa'

Frae my air dear land.

O bonnie are the hows, &c.

But blythely will I bide,

Whate'er may yet betide,

When ane is by my side

On this far, far, strand

My Jean will soon be here

My waefu' heart to cheer,

And dry the fa'ing tear

For our ain dear land.

O bonnie are the hows, &c.