Adieu for evermore

"The cold winter is past and gone,

And now comes on the spring,

And I am one of the king's life-guards,

And I must go fight for him, my dear,

And I must go fight for him.

"The trooper turn'd himself about,

All on the Irish shore;

He has given then the bridle-reins a shake,

Saying, Adieu for evermore, my dear,

Saying, Adieu for ever more!"]

It was a' for our rightfu' king,

We left fair Scotland's strand!

It was a' for our richtfu' king,

We e'er saw Irish land, my dear,

We e'er saw Irish land.

Now a' is done that men can do,

And a' is done in vain:

My love, my native land, farewell;

For I maun cross the main, my dear,

For I maun cross the main.

He turn'd him richt and round about

Upon the Irish shore,

And ga'e his bridle-reins a shake,

With, Adieu for evermore, my love,

With, Adieu for evermore.

The sodger frae the war returns,

The sailor frae the main;

But I ha'e parted frae my love,

Never to meet again, my love,

Never to meet again.

When day is gane, and nicht is come,

And a' folk bound to sleep,

I think on him that's far awa',

The lee-lang night, and weep, my dear,

The lee-lang night, and weep.