This text comes from The Book of Scottish Song, edited by Alexander Whitelaw, a historical songbook transcribed on Wikisource and reproduced from the pinned revision linked below.
Ca' the yowes to the knowes,
Ca' them where the heather growes;
Ca' them where the burnie rows,
My bonnie dearie.
Hark, the mavis' evening sang,
Sounding Cluden's woods amang;
Then a-faulding let us gang,
My bonnie dearie.
We'll gang doun by Cluden side,
Through the hazels spreading wide
O'er the waves that sweetly glide,
My bonnie dearie.
Yonder Cluden's silent towers,
Where, at moonshine midnight hours.
O'er the dewy budding flowers
The fairies dance sae cheerie.
Ghaist nor bogle shalt thou fear:
Thou'rt to love and heaven sae dear,
Nocht of ill may come thee near,
My bonnie dearie.
Fair and lovely as thou art,
Thou hast stoun my very heart;
I can die—but canna part,
My bonnie dearie.