This text comes from The Book of Scottish Song, edited by Alexander Whitelaw, a historical songbook transcribed on Wikisource and reproduced from the pinned revision linked below.
Busk and go, busk and go,
Busk and go to Cuttie's wedding!
Wha wad he the lass or lad
That wadna gang an they were bidden?
Cuttie he's a lang man,
O he'll get a little wifie;
But he'll tak' on to the town loan
When she tak's on her fickie-fykie.
Cuttie he cam' here yestreen;
Cuttie he fell ower the midden;
He wat the house, and tint his shoon,
Courtin' at a cankert maiden.
He sat him doun upon the green,
The lass cam' till him wi' a biddin';
He says. Gin ye were mine, my dame,
Monie ane's be at our weddin'.
Busk and go, busk and go,
Busk and go to Cuttie's wedding!
Wha wad be the lass or lad
That wadna gang an they were bidden?