This text comes from The Book of Scottish Song, edited by Alexander Whitelaw, a historical songbook transcribed on Wikisource and reproduced from the pinned revision linked below.
"O gae to the kye wi' me, Johnnie,
Gae to the kye wi' me;
O gae to the kye wi' me, Johnnie,
And I'll be merry wi' thee."
"O lassie, I'm weary wand'rin',
I've gaen mair miles than three
I'se no gang the day to the herdin',
It's fashous and naething to see."
"O gae to the kye wi' me, Johnnie,
Gae to the kye wi' me;
O gae to the kye wi' me, Johnnie,
And I'll be merry wi' thee."
"Oh we'll tak' a rest at the shieling,
Anent the tap o' the hill,
And there's a loch o' pure water
Whare ye may drink your fill.
Oh gae, &c.
"Amang the rocks and the heather
A burn does roaring fa',
And there the trouties are loupin',
The bonniest ever I saw."
Oh gae, &c.