This text comes from The Book of Scottish Song, edited by Alexander Whitelaw, a historical songbook transcribed on Wikisource and reproduced from the pinned revision linked below.
I have listen'd to your sang, bonnie lassie, O,
And thought the time nae lang, bonnie lassie, O;
There was something in your lay,
O' that saft sweet melody,
I will mind for mouy a day, bonnie lassie, O.
It was o' that pleasant kind, bonnie lassie, O,
That can soothe a weary mind, bonnie lassie,;
It was far more dear to me
Than the blossom on the tree,
To the cheerfu' humming bee, bonnie lassie, O.
I'll sometimes think on thee, bonnie lassie, O,
That sung of Gregorie, bonnie lassie, O,
I'll mind the magic spell
O' thy voice's dulcet swell,
On my ear that softly fell, bonnie lassie, O.
E'en though I should be afar, bonnie lassie, O,
Where other winds do war, bonnie lassie, O,
In cottage, bower, or hall,
When the evening shadows fall,
To my memory thee I'll call, bonnie lassie, O.