This text comes from The Book of Scottish Song, edited by Alexander Whitelaw, a historical songbook transcribed on Wikisource and reproduced from the pinned revision linked below.
I canna like you, gentle sir,
Although a laird you be,
For weel I like the bonnie lad
Wha brought me frae Dundee.
And I'll gang awa' wi' Jamie, O,
I'll gang awa" wi' Jamie, O,
I'll gang awa' wi' Jamie
O'er the lea;
I'll gang awa' wi' a free gude will,
For he's a' the warld lo me.
I'll gang wi' Jamie frae Dundee,
To cheer the lanesome way;
His cheeks are ruddy o'er wi' health,
He's frolicsome and gay.
And I'll gang, &c.
The laverock mounts to hail the morn,
The lintwhite swells her throat,
But nane o' them's sae sweet or clear
As Jamie's tunefu' note.
And I'll gang, &c.