This text comes from The Book of Scottish Song, edited by Alexander Whitelaw, a historical songbook transcribed on Wikisource and reproduced from the pinned revision linked below.
Jockie's ta'en the parting kiss,
Ower the mountains he is gane;
And with him is a' my bliss;
Nought but griefs wi' me remain.
Spare my love, ye winds that blaw,
Plashy sleets, and beating rain!
Spare my love, thou feathery snaw,
Drifting o'er the frozen plain!
When the shades of evening creep
Ower the day's fair gladsome e'e,
Sound and safely may he sleep,
Sweetly blythe his waukening be!
He will think on her he loves,
Fondly he'll repeat her name;
For, where'er he distant roves,
Jockie's heart is still at hame.