This text comes from The Book of Scottish Song, edited by Alexander Whitelaw, a historical songbook transcribed on Wikisource and reproduced from the pinned revision linked below.
O, ay my wife she dang me,
And aft my wife she banged me!
If ye gi'e a woman a' her will,
Gude faith, she'll soon owergang ye.
On peace and rest my mind was bent,
And, fool I was, I married;
But never honest man's intent
As cursedly miscarried!
O, ay my wife, &c.
Some sair o' comfort still at last,
When a' thir days are dune, man—
My pains o' hell on earth are past,
I'm sure o' heaven aboon, man.
O, ay my wife, &c.