This text comes from The Scottish Minstrel (First Series), a historical songbook transcribed on Wikisource and reproduced from the pinned revision linked below.
I'm owre young, I'm owre young,
I'm owre young to marry yet,
I'm owre young, 'twould be a sin
To tak me frae my mammy yet:
I am my mammy's ain bairn,
Nor o' my hame an weary yet,
And I would hae you learn, lads,
That ye for me maun tarry yet.
For I'm owre young, &c.
I'm owre young, I'm owre young,
I'm owro young to marry yet.
I'm owre young, 'twould be a sin
To tak me frae my mammy yet:
For I hae had my ain way,
Nane daur to contradict me yet,
So soon to say, I maun obey—
In truth I daurna venture yet.
For I'm owre young, &c.