This text comes from The Book of Scottish Song, edited by Alexander Whitelaw, a historical songbook transcribed on Wikisource and reproduced from the pinned revision linked below.
"Now smiling spring again appears
With all the beauties of her train,
Love soon of her arrival hears,
And files to wound the gentle swain;"—
When I was in my se'nteen year,
I was baith blythe and bonnie, O;
The lads lo'ed me baith far and near,
But I lo'ed nane but Johnnie, O:
He gain'd my heart in twa three weeks,
He spake sae blythe and kindly, O;
And I made him new grey breeks,
That fitted him most finely, O.
He was a handsome fellow:
His humour was baith frank and free;
His bonnie locks sae yellow,
Like gowd they glitter'd in my e'e:
His dimpled chin and rosy cheeks,
And face sae fair and ruddy, O;
And then a-days his grey breeks
Were neither auld nor duddy, O.
But now they are threadbare worn,
They're wider than they wont to be;
They're tash'd-like and sair torn,
And clouted upon ilka knee.
But gin I had a simmer's day,
As I ha'e had right monie, O,
I'd make a web o' new grey,
To be breeks to my Johnnie, O.
For he's weel wordy o' them,
And better, gin I had to gi'e,
And I'll tak' pains upo' them,
Frae faults I'll strive to keep them free.
To cleid him weel shall be my care,
To please him a' my study, O!
But he maun wear the auld pair
A wee, though they be duddy, O.
For when the lad was in his prime,
Like him there warna monie, O.
He ca'd me aye his bonnie thing,
Sae wha wadna lo'e Johnnie, O?
O, I lo'e Johnnie's grey breeks,
For a' the care they've gi'en me yet,
And gin we live another year,
We'll mak' them hale between us yet.