Lassie, would ye lo'e me

Oh, gin I were a baron's heir,

And could I braid wi' gems your hair,

And make ye braw as ye are fair,

Lassie, would ye lo'e me?

And could I tak' ye to the town,

And shaw ye braw sights mony a ane,

And busk ye fine in silken gown,

Lassie, would ye lo'e me?

Or should ye be content to prove,

In lowly life unfading love,

A heart that nought on earth could move,

Lassie, would ye lo'e me?

And ere the lav'rock wing the skie,

Say, wad ye to the forest hie,

And work wi' me sae merrilie,

Lassie, could ye lo'e me?

And when the braw moon glistens o'er,

Our wee bit bield and heathery muir,

Will ye na greet for ye're sae puir,

Lassie, though I lo'e ye?

For I ha'e nought to offer ye,

Nae gowd frae mine, nae pearl frae sea,

Nor am I come o' hie degree,

Lassie, but I lo'e ye.