This text comes from The Scottish Minstrel (First Series), a historical songbook transcribed on Wikisource and reproduced from the pinned revision linked below.
Oh! bright yon beaming queen of night
Shines in yon flowery vale,
And softly sheds her silver light
O'er mountain-path and dale.
Short is the way when light's the heart,
That's bound in love's soft spell;
Sae I'll awa to Armadale,
To Jessie o' the Dell.
To Jessie o' the Dell, &c.
We've pu'd the primrose on the braes,
Beside my Jessie's cot;
We've gather'd nuts, we've gather'd slaes,
In that sweet rural spot.
The wee short hours danc'd merrily,
Like lambkins on the fell,
As if they joined in joy wi' me,
And Jessie o' the Dell,
Sweet Jessie of the Dell, &c.
There's nane to me wi' her can vie,
I'll love her till I dee,
For she's sae sweet, and bonnie, aye,
And kind as kind can be.
This night, in mutual kind embrace,
Oh, wha our joys can tell?
Then I'll awa to Armadale,
To Jessie o' the Dell,
Sweet Jessie o' the Dell, &c.