This text comes from The Book of Scottish Song, edited by Alexander Whitelaw, a historical songbook transcribed on Wikisource and reproduced from the pinned revision linked below.
There's cauld kail in Aberdeen,
And bannocks in Strathbogie,
But naething drives awa' the spleen
Sae weel's a social cogie.
That mortal's life nae pleasure shares
Wha broods o'er a' that's fogie:
Whane'er I'm fash't wi' worldly cares,
I drown them in a cogie.
Thus merrily my time I pass,
With spirits brisk and vogie,
Blest wi' my bulks and my sweet lass,
My cronies and my cogie.
Then haste and gi'e's an auld Scots sang
Sic like as Kathrine Ogie;
A gude auld sang comes never wrang,
When o'er a social cogie.