This text comes from The Scottish Minstrel (First Series), a historical songbook transcribed on Wikisource and reproduced from the pinned revision linked below.
Oh! whar was ye sae late yestreen?
My bonnie Jeanie Gray,
Your mither miss'd you into at e'en,
And eke at break o' day.
Your mither look'd sae sour and sad,
Your father dull and wae,
Oh! whar was ye sae late yestreen?
My bonnie Jeanie Gray.
Dear sister, sit ye down by me,
And let naebody ken,
For I hae promis'd late yestreen,
To wed young Jamie Glen.
The melting tear stood in his e'e,
What heart could say him nay?
As aft he vow'd, thro' life I'm thine,
My bonnie Jeanie Gray.